«PSJ» bosh murabbiyi Unai Emeri yarim himoyachi Blez Matyuidi jamoani tark etishi mumkinligi haqidagi xabarlarga munosabat bildirdi. 

«Men Matyuidi bilan gaplashdim. Men undan to'la qoniqyapman, u esa Parijda o'zini baxtiyor his qilyapti. Biz bir-birimizni yaxshi tushunyapmiz. Umid qilamizki, Blez bundan keyin ham «PSJ» sharafini himoya qiladi», — dedi murabbiy. 

«Men mavsumni qo'l ostimda bor futbolchilar bilan davom ettirishni istayman. Mening nuqtai nazarim kundek ravshan — Matyuidi jamoada qolishini xohlayman», — deya qo'shimcha qildi Unai Emeri. 

Ma'lumot uchun, 29 yoshli frantsiyalik futbolchi «PSJ»da 2011 yildan beri to'p surib keladi. Uning parijliklar bilan amaldagi shartnomasi 2017/18 yilgi mavsumgacha amal qiladi.