«Monreal» hujumchisi Dide Drogba o'zining «Aston Villa»ga o'tishi mumkinligi haqidagi xabarlarni haqqoniy emas deb atadi. 

Joriy mavsum chempionshipda ishtirok etayotgan birmingemliklarning xo'jayini avvalroq yuqori malakali hujumchi bilan kelishuvga erishganini ma'lum qilgan edi. 

«Villa»ning bosh murabbiyi Roberto Di Matteo Drogba bilan yaxshi tanish — ular «Chelsi»da birga faoliyat olib borgan. 

«Hozirgina Monrealdagi mashg'ulotlardan qaytdim va bugun Birmingemda bo'lganim haqidagi millionlab xabarlarni ko'rib, hayron qoldim», — deb yozdi Drogba Twitter’dagi sahifasida. 

38 yoshli ivuarlik MLSning joriy mavsumida 15 uchrashuvda maydonga tushib, 8 ta gol urishga muvaffaq bo'ldi.