«Everton» klubi «Manchester Siti» darvozaboni Jo Xartni taklif qilish g'oyasidan voz kechdi. 

Daily Mail axborotiga ko'ra, mersisaydliklar 29 yoshli darvozabonni 7 mln funt evaziga ijaraga olish, shuningdek, unga haftasiga 135 ming funt to'lashni xohlamadi. 

Bundan tashqari, «Everton» rahbariyati jamoa asosiy darvozaboni Marten Stekelenburgning Angliya chempionati startidagi o'yinidan qoniqmoqda.

Avvalroq «Siti» Xartni sotishdan kamida 20 mln funt ishlab olmoqchi ekani haqida xabarlar berilgan edi.