"Liverpul" hujumchisi Mario Balotelli bugun ertalabdan "Nitstsa" klubida tibbiy ko'rikdan o'tmoqda. Bu haqda L’Équipe xabar tarqatdi.

Futbolchining transferi borasida klublar o'rtasidagi muzokaralar davom etmoqda. Ijara shartnomasini rasmiylashtirish uchun "Liverpul" futbolchi maoshining katta qismini to'lashda davom etishi mumkin. Mersisaydliklar, shuningdek, Balotellini tekinga qo'yib yuborishlari yoki arzimagan pulga sotishlari ham mumkin.

Klublar o'zaro kelishuvga erishmagan bo'lsalarda, frantsuz klubi avvalo Balotellining sog'ligini tekshiruvdan o'tkazib olishni maqsad qilgan. Klublar o'rtasidagi munozaralar bugun tunga qadar davom etishi mumkin.