«Volfsburg» yarim himoyachisi Yulian Draksler yozda «bo'rilar» safini tark etish niyatida bo'lganini tan oldi. 

Eslatib o'tamiz, Germaniya milliy terma jamoasi a'zosining xizmatlariga «Arsenal», «PSJ» klublari qiziqish bildirgan edi. 

«Men hozir bor e'tiborimni mavsumga va «Volfsburg»ning oldiga qo'yilgan vazifalarni bajarishga qaratganman», — dedi futbolchi. 

«Klub o'z nuqtai nazarini aniq va ravshan ifoda etdi. Ehtimol, qishda yana men haqimda turli mish-mishlar paydo bo'lar, biroq ular mendan tarqamaydi», — dedi Draksler. 

«Ha, klub bilan kelajagim borasidagi qarashlarimiz bir-biridan farq qilayotgan edi. Biroq endi bularning bari o'tmishda qoldi», — dedi yarim himoyachi.

«Yozda menda «Volfsburg»ni tark etish imkoniyati bo'lmagan edi. Men haqimdagi ba'zi bir gaplar rost, boshqalari esa yolg'on edi», — deya qo'shimcha qildi Draksler.