Londonning “Chelsi” jamoasi bosh murabbiyi Antonio Konte qishki transfer mavsumi paytida bir nechta futbolchilarni xizmatidan voz kechmoqchi. Quyida shu futbolchilar haqida so'z yuritamiz.

Sesk Fabregas

Ispaniyalik yarim himoyachi qishda “Chelsi”dan ketishni istamoqda. Chunki unga bir nechta klublardan takliflar tushmoqda. Qolaversa, Konte ham Fabregasni jamoada ko'rishni istamayatpti. Ayni pallada Fabregas bo'yicha “Milan”, “Yuventus” va “Vest Xem” klublaridan takliflar tushgan. Biroq Sesk bir qarorga kelganicha yo'q. Buni ko'proq vaqt ko'rsatishini aytmoqda.

Asmir Begovich

Bu darvozabon Mourino va Konte davrida ham zaxirada qolib ketmoqda. Begovich tajribali bo'lishiga Tibo Kurtua soyasida qolib ketaverdi. Shu sababli ham qishda bosniyalik golkiper jamoani tark etishni rejalashtirmoqda. Unga sobiq jamoasi “Stok Siti” klubi qiziqish bildirmoqda. Konte Begovichni ketganidan foydalanib, jamoaga Jo Xartni taklif qilmoqchi.

Garri Keyxill

Bu himoyachining harakatlari Kontega manzur bo'lmayapti. Shu boisdan Keyxill jamoadan ketishi mumkin. Unga hozirda birorta klub qiziqish bildirmayotgan bo'lishiga qaramay, Konte u bilan xayrlashishni istamoqda. “Chelsi” himoyasida yuzaga kelgan muammolarda uning xatolari ko'zga tashlanayotganligi aytilmoqda.

Branislav Ivanovich

Serbiyalik himoyachi “Chelsi”da faoliyatining katta qismini o'tkazdi. Biroq uning ham ketish vaqti kelganga o'xshaydi. Italiyalik mutaxassis Ivanovichning o'z qanotida ko'rsatayotan o'yinlaridan norozi bo'ldi hamda uni ketishini istamoqda. Ivanovich katta ehtimol bilan qishda Xitoy chempionatiga yo'l olishi kutilmoqda.

Nemanya Matich

Matich ham jamoadan ketadi. Unga “Milan”, “Inter” va “Yuventus” va “Manchester Yunayted” jamoalaridan taklif tushmoqda. Ulardan biri Matichni xarid qilishga yaqin turibdi. Konte esa Matich joyini o'zi ko'z ostiga olib qo'ygan futbolchilaridan birini taklif qilishni rejalashtirmoqda.