Lionel Messi "Barselona"ni tark etishi mumkin, deb yozadi Britaniyaning Mirror nashri.

Manbaga ko'ra, argentinalik hujumchiga "Manchester Siti" jiddiy qiziqmoqda va buning uchun 300 mln funt (230 mln evroga yaqin) to'lashga tayyor. Bunda Messining o'ziga haftasiga 500 ming funt maosh belgilanishi aytilmoqda.

"Manchester Siti"dagilarning ishonchi shundaki, klubni hozir Xosep Gvardiola - Messining "Barselona"dagi ustozi boshqarmoqda. Ispaniyalik mutaxassisga jamoani ANgliyada ham, chempionlar ligasida ham etakchilik qiladigan jamoa tuzish uchun chegaralanmagan mablag' va'da qilingan.

Messining kataloniyaliklar bilan amaldagi shartnomasi 2018 yilning 30 iyunigacha tuzilgan. Norasmiy manbalarga ko'ra, Messi yangi yildan so'ng "Barselona" bilan shartnomasini uzaytirish borasida muzokaralarni boshlaydi. Ba'zi OAV futbolchi shartnomasini uzaytirmoqchi emasligini xabar qilganlar.