Italiya futboli grandi "Inter" rahbariyati qishki transferlar uchun 150 million evro ajratadi, deya xabar beradi Corriere Dello Sport.

Milanliklarning rejasida ikki himoyachi, bittadan pleymeyker va hujumchi bor.

Mo'ljaldagilar ro'yxatining boshida "Arsenal" hujumchisi Aleksis Sanches turibdi. Chililik 27 yoshli futbolchining londonliklar bilan shartnomasi 1,5 yildan so'ng tugaydi. Hozircha shartnomani uzaytirish borasida muzokaralar boshi berk ko'chaga kirib qolgan, chunki futbolchi haftasiga 200 ming funt maosh so'ramoqda.

Sanches bu mavsum 18ta rasmiy o'yinda 10ta gol urgan va 5ta golli uzatma oshirgan.

"Inter" Italiya chempionatida 12-o'rinda bormoqda va peshqadam "Yuventus"dan 15 ochko ortda qolmoqda.