"Bavariya" prezidenti Uli Xyoness yaqin orada bir futbolchining transferi uchun 150-200 mln evro to'lanishini kutmoqda.

"Men bir necha yil oldin moliyaviy shiftga etib bo'lganimizni aytgan edim. Men nohaq ekanman. Agar "Bavariya" va Dortmund bittadan xitoylik futbolchi sotib olishsa, 300 million xitoylik o'yinni internet orqali kuzatadi va buning uchun pul to'laydi. Agar 1 evrodan hisoblasak - bir kunda 300 mln evro. Men yaqin orada 150-200 million evrolik transferlar bo'lishiga ishonaman", - deydi Xyoness.

Ayni paytda eng qimmat transfer "MYu" yarimhimoyachisi Pol Pogbaga tegishli bo'lib turibdi - 105 mln evro.