"Anje" hujumchisi Nikolya Pepe "Lion" bilan muzokara olib bormoqda, deya xabar beradi L'Equipe.

Manbaga ko'ra, "Lion" vakillari ivuarlik hujumchi bilan birinchi uchrashuvn o'tkazganlar va transferni muhokama qilganlar.

"Anje" Pepe uchun 10 mln evro talab qilmoqda. Xabarlarga ko'ra, 21 yoshli futbolchini "Lion"dan tashqari "Monako", "Lill", "Roma", "Yuventus" va "Nyukasl" klublari kuzatishgan.

Eslatib o'tamiz, 21 yoshli Nikolya Pepe - "Anje" tarbiyalanuvchisi hisoblanadi. Qanotlarda ham o'ynay oladigan hujumchi Liga 1ning ushba mavsumida 16 uchrashuvda 2 gol urgan va 1 golga to'p oshirgan.