"PSJ" jamoasi "Real" klubi hujumchisi Krishtianu Ronalduni 2016 yilning yozida sotib olishga jiddiy kirishdi. Bu haqda Le Parisien nashri yozdi.

Parijliklar rahbariyati ushbu portugaliyalik futbolchiga jamoani mavsum so'ngida tark etishi mumkin bo'lgan Zlatan Ibrohimovichning o'rniga sotib olmoqchi. Buning uchun klub Ronalduga "Real"dagi maoshdan ko'proq pullarni taklif qiladi.

Futbolchining "Qirollik klubi" bilan amaldagi shartnomasi 2018 yilgacha davom etsada, parijliklar Ronalduni Frantsiya ko'chib o'tishga ko'ndirishmoqchi.

Xabarda yozilishicha, 31 yoshli portugaliyalik futbolchi uchun "PSJ" 100-120 million evro to'lashi kutilmoqda.