Xitoy superligasining 2ta klubi «Manchester Yunayted» futbolchisi transferi uchun Ueyn Runi uchun rekord miqdordagi taklif tayyorlamoqda. «Guanchjou Evergrand» va «Beyjing Goan» jamoalari angliyalik futbolchining e'tiborini o'zlariga jalb qilish uchun haftasiga 700 ming funt maosh taklif qilishmoqchi.

Runi bu jamoalardan biriga o'tsa, jahonning eng ko'p maosh oladigan futbolchisiga aylanadi.

Eslatib o'tamiz, «Shanxay SIPG» klubi kecha «Chelsi» yarim himoyachisi Oskar bilan shartnoma imzolaganini e'lon qilgandi. Bu jamoa londonliklarga 70,5 million evro to'ladi. Xitoy klublari uchun rekordga aylangan mazkur transfer tufayli futbolchiga 400 ming funt maosh to'lanadi.