"Roma" yarimhimoyachisi Raja Nainggolan hamon "Chelsi"ning diqqat-e'tiborida turibdi, deya xabar beradi The Times.

London klubi 28 yoshli futbolchini yanvardayoq o'z safiga qo'shib olmoqchi, bu bilan "Shanxay Telleys"ga o'tib ketgan Oskarning o'rnini to'ldirmoqchi.

"Chelsi" Nainggolanni yozda 40 million evroga sotib olmoqchi bo'lgan, ammo kelishuv amalga oshmay qolgan edi. Futbolchi oktyabrda "Roma" bilan sharnomasini 2020 yilgacha uzaytirgan edi.

Nainggolan Italiya chempionatining ushbu mavsumida 17 uchrashuvda 3ta gol urgan va bir golga to'p oshirgan.