«Shangxay Shenxua» klubi «Boka Xuniors» hujumchisi Karlos Teves bilan shartnoma imzolaganini e'lon qildi. Ushbu transfer tafsilotlari ma'lum qilinmagan.

Avvalroq «Shangxay» 32 yoshli argentinalik futbolchi uchun 40 million evro yillik maosh taklif qilayotgani haqida xabar tarqalgandi. Shu tariqa, Teves jahondagi eng ko'p maosh oluvchi futbolchiga aylandi.

«Shangxay Shenxua» Xitoy chempionatining o'tgan mavsumida 4-o'rinni egallagandi. Jamoani bosh murabbiy sifatida Gustavo Poyet yaqinda qabul qilib oldi. Ushbu klub safida Obafemi Martins va Demba Ba kabi futbolchilar faoliyat olib borishmoqda.