"Bavariya" hujumchisi Robert Levandovskiyning agenti Sezariy Kucharski ma'lumot berishicha, futbolchiga Xitoy chempionatidan taklif tushgan.

«Xitoy chempionatiga yulduz futbolchilarni olib borayotgan agent men bilan aloqaga chiqdi. Agar Levandovski Xitoy klubiga o'tadigan bo'lsa, xuddi Karlos Teves kabi 40 million evrodan ko'proq yillik maosh olishi mumkin edi», — deydi Kuxarski.

Qishki transfer paytida argentinalik futbolchi Karlos Teves «Boka Xuniors»dan «Shanxay Shenxua»ga o'tdi va jahonning eng ko'p maosh oluvchi futbolchisiga aylandi — uning yillik maoshi 38 mln evro.

2016 yil so'ngida Levandovski «Bavariya» bilan 2021 yilgacha bo'lgan yangi shartnomaga imzo chekdi. U Germaniya chempionatining ushbu mavsumida 16ta o'yinda maydonga tushib, 12ta gol urdi.