“Barselona” klubi prezidenti Xosep Bartomeu qishgi transfer bozorida klub bir nechta xaridni amalga oshirishi mumkinligini bildirdi. AS nashrining xabar berishicha, hozirda ushbu masala yuzasidan klub mutasaddilari variantlarni ko'rib chiqmoqda.

“Biz tarkibni yanada kuchaytirish borasida tinimsiz izlanish olib bormoqdamiz. O'zimizning tarbiyalanuvchilarimizdan tashqari boshqa klub futbolchilarini ham asosiy jamoaga qo'shib olishimiz mumkin. Bu masala yuzasidan murabbiylar shtabi bilan muhokama o'tkazamiz va zarurat bo'lsa albatta yangi futbolchilarni sotib olamiz», - deydi Bartomeu.