«Manchester Siti» bosh murabbiyi Xosep Gvardiola yozda jamoa tarkibini kuchaytirishni rejalashtirmoqda.

The Telegraph xabariga ko'ra, Gvardiola ikki qanot futbolchisi, ikki markaziy himoyachi, bir yarimhimoyachi va hujumchini qo'lga kiritmoqchi. Bundan tashqari, shartnomasi nihoyaga etayotgan darvozabon Villi Kabalero o'rniga ham boshqa futbolchi izlamoqda.

Ayni paytda «shaharliklar» «Sauthempton»ning 2 nafar futbolchisi – qanot himoyachisi Rayan Bertran va markaziy himoyachi Virgil Van Deyk bilan qiziqmoqda.

Bundan tashqari Gvardiola «Borussiya» D hujumchisi Per-Emerik Obameyang va «Arsenal» hujumchisi Aleksis Sanches bilan ham shartnoma imzolamoqchi.