«Lion» prezidenti Jan-Mishel Ola «Manchester Yunayted» yarim himoyachisi Memfis Depayning xarid qilinayotgani haqidagi xabarga o'z munosabatini bildirib o'tdi.

Avvalroq tomonlar muzokara o'tkazish maqsadida uchrashuv o'tkazgani haqida xabar tarqalgandi.

«Biz Depayning transferi yuzasidan «MYu» bilan kelishuvga erishdik, endi rasmiyatchiliklarni oxiriga etkazish qoldi», — dedi Ola.

22 yoshli Depay Angliya chempionatining ushbu mavsumida bor-yo'g'i 4 marta maydonga tushdi. Uzoq vaqt davomida uning «Everton»ga o'tishi mumkinligi gapirilayotgan edi.