"Milan" yozgi transferlar chog'ida "Arsenal" hujumchisi Aleksis Sanchesni sotib olmoqchi.

Italiya klubi chililik 28 yoshli futbolchi uchun 45 million funt berishga tayyor. Futbolchi milanliklar safiga qo'shilsa, uning haftalik maoshi 250 ming funt bo'lishi mumkin. Sanchesning "Arsenal" bilan shartnomasi 2018 yilda nihoyasiga etadi. Futbolchiga "Yuventus" va "Inter" klublari ham qiziqayotgani xabar qilingan.

Sanches Angliya chempionatining ushbu mavsumida 25 uchrashuvda 17ta gol urgan va 8ta golga to'p oshirgan. Chempionlar ligasida ikkita gol urgan va uchta golli uzatma oshirgan.