Turinning «Yuventus» futbol klubi Londonning «Arsenal» jamoasi forvardi Aleksis Sanchesni o'z tarkibiga qo'shib olishi mumkin.

Corriere dello Sport ma'lumotiga ko'ra, Italiya klubi vakillari londonliklar bilan aloqaga chiqishgan hamda chililik futbolchi uchun 30 million evro taklif etishmoqda.

Shuningdek «Arsenal» bilan shartnomasi 2018 yilning yozida o'z nihoyasiga etadigan 28 yoshli hujumchiga «PSJ» ham da'vogarlik qilmoqda.

Ma'lumot uchun, Sanches joriy mavsumda klub uchun barcha musobaqalarda 36ta o'yinda maydonga tushdi hamda 20ta gol va 16ta golli uzatmaga mualliflik qildi.