«Real» yozgi transfer paytida yarim himoyachi Iskoni sotishi mumkin, deya xabar tarqatdi Tuttosport.

Manbaga ko'ra, "Qirollik klubi" quyidagicha taklif bilan chiqqan jamoaga Iskoni sotadi: futbolchining transferi uchun kamida 35 million evro va uning muvaffaqiyatli o'yini uchun qo'shimcha bonuslar taklif qilinishi lozim.

Iskoning o'zi "Real" safida etarlicha o'yin amaliyotiga ega bo'lmayotgani bois, klubni tark etishi mumkinligini ta'kidlab kelmoqda.

Isko «Real» tarkibida Ispaniya chempionati doirasida 20ta o'yinda maydonga tushgan bo'lsa, ulardan 12tasida boshlang'ich tarkibga kiritilgan. Bu o'yinlarda 6ta gol urdi va 4ta golga assistentlik qildi.