"Real" klubi darvozabon Janluiji Donnarummaning transferi bo'yicha "Milan"ga taklif bilan chiqdi va rad javobini oldi, deya xabar beradi Football Italia.

"Milan" fevral oyida 18 yoshga to'lib, mustaqil shartnoma imzolash imkoniyatiga ega bo'lgan darvozabon bilan muzokaralarni davom ettiryapti.

Donnarummaning agenti Mino Rayola hozircha "Milan"ning shartlarini qabul qilishga shoshilmayapti va klubning xitoylik investorlarga sotilishi ishlarini nihoyasiga etishini kutyapti.

Xabarlarga ko'ra, Donnarummaning birinchi shartnomasi uzoq muddatga tuzilmaydi. U yillik 3 mln evro maosh bilan 2020 yilgacha shartnoma imzolashi mumkin.

Donnarumma hozirgacha "Milan"da 62 ta uchrashuv o'tkazishga ulgurdi.