«Lester Siti» yarim himoyachisi Riyod Mahrez faoliyatini «Barselona»da davom ettirishi mumkin. "Ko'k-anorranglilar" jazoirlik futbolchini yozgi transfer paytida xarid qilishmoqchi.

Telegraph.co.uk tarqatgan xabarga ko'ra, "tulkilar" 26 yoshli futbolchini kataloniyaliklarga 40 million evroga sotishga tayyor.

Mahrez Angliya chempionatining yangi mavsumida 26ta o'yinda maydonga tushib, 5ta gol urdi va 2ta golga assistentlik qildi. Futbolchining bozor bahosi 30 million evroni tashkil qiladi.