«Arsenal» hujumchisi Aleksis Sanches o'z kelajagi borasidagi savollarga javob berib o'tdi. Eslatib o'tamiz, avvalroq chililik futbolchiga «Bavariya» va «Yuventus» klublari qiziqish bildirayotgani haqida xabar berilgandi.

«O'zimni Londonda yaxshi his qilyapman. «Arsenal»da shartnomamning oxiriga qadar qolmoqchiman. Ushbu shaharda o'ynashda davom etishni istayman, ammo sovrin yutishni ham xohlardim. O'z oldiga yuqori maqsadlarni qo'ygan jamoa sharafini himoya qilish menga yoqadi. Ha, 28 yoshdaman, lekin oldinda meni hali ko'p narsa kutib turibdi. Men o'zimga va o'z organizmimga e'tiborliman», – dedi Sanches.

Aleksis Sanchesning "Arsenal" bilan shartnomasi 2018 yilning yozida yakuniga etadi.