«Real» hujumchisi Alvaro Morata yozgi transfer paytida boshqa jamoaga o'tishi mumkin.

Don Balon tarqatgan ma'lumotga qaraganda, 24 yoshli ispaniyalik futbolchi «Chelsi»ga o'tishni istamoqda. Futbolchi o'zining ushbu maqsadini madridliklar rahbariyatiga ma'lum qilgan. Morata "Real"da kam o'yin amaliyotiga ega bo'layotgani uchun boshqa jamoaga o'tishni istamoqda.

Shuningdek, "Chelsi" bosh murabbiyi Antonio Konte hujumchini o'z jamoasida ko'rishni istamoqda. Italiyalik mutaxassis avvalgi 2ta transfer davrida futbolchini qo'lga kiritishni istagandi.

Morata Ispaniya La ligasining ushbu mavsumida "Real" safida 20ta o'yinda maydonga tushib, 11ta gol urishga muvaffaq bo'ldi.