«Milan» murabbiylar shtabi kolumbiyalik hujumchi Karlos Bakkaning hozirgi formasidan qoniqish hosil qilmayapti. Klub yozgi transfer paytida futbolchi bilan xayrlashishga qaror qildi.

Bakka 2015 yilda 30 million evro evaziga «Sevilya»dan «Milan»ga o'tgandi. Hozirda uning transfer narxi 23 million evroni tashkil qiladi.

Futbolchi A seriyaning ushbu mavsumida 27 o'yinda maydonga tushdi hamda 13ta gol urdi va 4ta golga uzatma berdi. Avvalroq Bakkaga Xitoyning «Tyantszin Tsyuantszyan» klubi qiziqish bildirgani haqida xabar tarqatilgandi.