O'tgan oyda Angliya Premer-ligasining eng yaxshi futbochisi nomini qo'lga kiritgan "Lester" a'zosi Jeymi Vardiga La Liga grandlari "Barselona" va "Real" jamoalari qiziqish bildirmoqda.

Har ikkala jamoa skautlari 28 yoshli futbolchining o'ynini kuzatish maqsadida Ispaniya va Angliya termalari o'rtasida bo'ladigan uchrashuvni tomosha qilishmoqchi edi, ammo Vardi jarohati sababli bu o'yinni o'tkazib yuboradi, deya xabar beradi Daily Mail.

Eslatib o'tamiz, futbolchi bu mavsum Angliya chempionatida 12 uchrashuvda maydonga tushib, 12 marta raqiblari darvozasini ishg'ol qilgan. 9 o'yindan buyon esa ketma-ket gol urib kelmoqda. Uning "Lester" bilan amaldagi shartnomasi 2017 yilda o'z nihoyasiga etadi.