Arsen Venger "Arsenal" bilan yangi shartnomaga imzo chekkanidan keyin dastlabki transferni amalga oshirishga tayyorgarlik ko'rmoqda.

El Desmarque tarqatgan xabarga ko'ra, londonliklar "Barselona" yarim himoyachisi Arda Turonga qiziqish bildirishmoqda. "Ko'k-anorranglilar" yangi bosh murabbiyi Ernesto Valverde ushbu futbolchiga asosiy tarkibdan joy kafolatlamoqchi emas. Kataloniyaliklar futbolchiga nisbatan 30 million evro transfer narxini qo'yishgan bo'lsa, "Arsenal" bu summani 5 millionga kamaytirmoqchi.

Bundan tashqari, Sky Sports xabar tarqatishicha, Venger "Lester" yarim himoyachisi Riyad Mahrezni qo'lga kiritishni istamoqda. Ammo jazoirlik futbolchi qimmat turadi. Shu bois uning Londonga ko'chib o'tish imkoniyati pastroq.