«Barselona» klubining insayder tvitter sahifalaridan biri xabariga ko'ra, dastlabki transferning amalga oshirilishiga juda yaqin qoldi.

Kataloniya klubi o'ng qanot himoya chizig'ini kuchaytirish maqsadida, «Benfika» himoyachisi Nelson Semedu bilan shartnoma imzolashga tayyor turibdi.

Bu o'ringa «Arsenal» himoyachisi Ektor Belerin ham mo'ljallanayotgan edi. Ammo uning narxi juda qimmatligi bois, transferini amalga oshirish mushkul bo'ladi.

Avvalroq, «Benfika» Semedu uchun 40 mln evro so'ragan edi. Futbolchiga «Manchester Siti», «Manchester Yunayted», «Bavariya», «Inter» va «Sevilya» ham qiziqish bildirgan.