"PSJ" klubi "Monako" hujumchisi Kilian Mbappe uchun juda katta summa taklif qildi.

Goal.com tarqatgan xabarga ko'ra, parijliklar "Monako" futbolchisi uchun 135 mln evro taklif qilishgan. Monegasklarning ushbu taklifga qanday javob qaytarishgani hozircha noma'lum bo'lib turibdi. Futbolchining o'zi "PSJ"ning taklifi yuzasidan qarorni ta'tildan keyin e'lon qilishi kutilmoqda.

Avvalroq "Real" Mbappe bilan og'zaki kelishuvga erishgani haqida ma'lumot tarqatilgandi. "Real" va "PSJ"dan tashqari, Mbappega "Arsenal" tomonidan ham qiziqishlar bo'layotgandi.

Eslatib o'tamiz, Mbappening otasi o'g'lining "PSJ"ga o'tishini istayotgan bo'lsa, futbolchining o'zi "Real"ni tanlamoqchi, lekin "Monako" Mbappeni o'z safida olib qolishga harakat qilmoqda.