Dortmundning «Borussiya» klubi hujumchisi Per-Emerik Obameyang faoliyatini Xitoyda davom ettirishi mumkin. Bu haqda Metro nashri xabar tarqatdi.

Uning xizmatlariga «Tyantszin Tsyuantszyan» klubi qiziqish bildirmoqda. Eslatib o'tamiz, bu jamoa safida Aksel Vitsel va Aleshandre Pato o'ynayotgan bo'lsa, jamoani Fabio Kannavaro boshqarmoqda.

«Borussiya» futbolchining transferidan 80 million evro daromad olsa, futbolchining o'ziga 30 million evro yillik maosh oladi.

Eslatib o'tamiz, hujumchining «Borussiya» bilan amaldagi shartnomasi 2020 yilgacha tuzilgan. 28 yoshli futbolchi Germaniya chempionatining o'tgan mavsumida eng yaxshi to'purar bo'ldi. U 32ta o'yinda maydonga tushib, 31ta gol urdi.