Turinning «Torino» klubi «Jenoa» hujumchisi Jovanni Simeone bilan qiziqmoqda.

Jurnalist Janluka Di Martsio xabariga ko'ra, «buqalar» allaqachon transfer bo'yicha rasmiy taklif jo'natgan. Turinliklar 21 yoshli futbolchi uchun 15 million evro taklif qilgan. Shuningdek, bunga bonuslar ham qo'shilishi mumkin. Hozircha «Jenoa» mazkur taklifga o'z javobini bermagan.

Eslatib o'tamiz, o'tgan mavsum 35ta uchrashuvda maydonga tushgan Simeone o'z hisobiga 12ta gol yozdirib qo'ygan.