«Liverpul» hujumchisi Deniel Starrij bu yil yozda jamoani tark etmaydi.

Sunday Mirror xabariga ko'ra, Yurgen Klopp 27 yoshli futbolchini qo'yib yubormoqchi emas. Chunki uning o'rnini bosadigan futbolchi uchun juda ko'p mablag' sarflanishi mumkin.

Avvalroq, Starrij bilan "Vest Hem" va "PSJ" klublari qiziqayotgani haqida xabarlar chiqqan edi.

O'tgan mavsumda hujumchi "Liverpul" tarkibida barcha musobaqalarda 27 o'yin o'tkazib, 7ta gol urdi va 1 golga hammualliflik qildi.