«Rostov» va Eron terma jamoasi hujumchisi Serdar Azmun faoliyatini Turkiyada davom ettirishi mumkin.

Fotospor xabariga ko'ra, u bilan «Beshiktosh» qiziqmoqda va transferga 3,5 mln evro, shuningdek ikki futbolchisini – darvozabon Denis Boyko va yarimhimoyachi Araz Ozbilizni qo'shib bermoqchi.

Avvalroq, Azmunning «Rubin» klubiga o'tishi mumkinligi haqida xabarlar chiqqan edi.

Rossiya chempionatining o'tgan mavsumida Azmun «Rostov» tarkibida 27 o'yinda maydonga tushib, 7ta gol urgan va 1ta golga hammualliflik qilgan.