«Barselona» yarimhimoyachisi Serxi Roberto «Man Siti» klubiga o'tishi mumkin edi.

Kataloniya klubi «shaharliklar»dan futbolchining transferi bo'yicha 35 mln evro taklifini oldi. Biroq bosh murabbiy Ernesto Valverde yarimhimoyachining xizmatiga tayanishini ma'lum qilib, uni qo'yib yubormadi.

«Barselona» tarbiyalanuvchisi hisoblanmish Serxi Robertoning o'zi ham klubni tark etishni istamadi.

O'tgan mavsumda Serxi Roberto «Barselona» tarkibida 47 o'yinda maydonga tushib, 1ta gol urgan va 6ta golga hammualliflik qilgan.