"PSJ" bitta shart bilan o'zining yarim himoyachisi Marko Verrattini "Barselona"ga sotishga rozi bo'ldi.

"Mundo Deportivo" tarqatgan xabarga ko'ra, parijliklar "Monako" hujumchisi Kilian Mbappe va "Liverpul" yarim himoyachisi Filipe Koutinoni qo'lga kiritmaguncha, Verrattining transferi borasida "Barselona" bilan muzokara olib bormaydi. Mbappe va Koutino bilan shartnoma imzolangan taqdirdagina "PSJ" Verrattini qo'yib yuborishi mumkin.

Mbappening transferi "PSJ" uchun 135 million evroga tushsa, "Liverpul" Koutinoni 100 million evrodan kamiga sotmaydi.

"Barselona" esa Verratti uchun 80 million evro to'lashga tayyor. Verratti bilan bog'liq transfer avgust oyi so'ngida amalga oshishi kutilmoqda.