Dortmundning "Borussiya" klubi hujumchisi Per-Emerik Obameyang faoliyatini Frantsiyada davom ettirishi mumkin. Unga birinchi liga etakchisi Parijning "PSJ" jamoasi qiziqish bildirmoqda.

Gabonlik futbolchi mavsumni ko'tarinki ruhda o'tkazmoqda. U "Borussiya" safida barcha turnirlarda 23 marta maydonga tushib, 25 gol (5 pas)ga mualliflik qilgan. Shu sabab 26 yoshli forvardni Evropa grandlari jiddiy kuzatmoqda. Uning "sariq-qoralar" bilan tuzgan amaldagi shartnomasi 2020 yilgacha mo'ljallangan.

Eslatib o'tamiz, Obameyang avval ham turli yillarda Frantsiyaning "Dijona", "Lill", "Monako" va "Sent-Eten" jamoalari sharafini himoya qilgan.