O'tgan mavsum kashfiyoti deb tan olingan va EChL yo'llanmasini qo'lga kiritgan Germaniyaning “Leyptsig” klubi rahbariyati o'z etakchisini qo'yib yubormadi.

Jamoa vakillari 22 yoshli gvineyalik yarim himoyachi Nabi Keyta bo'yicha “Liverpul”dan tushgan 65 million evrolik taklifni rad etdi.

“Liverpul” bosh murabbiyi Yurgen Klopp Keytaning xizmatiga shaxsan qiziqish bildirgan. Ammo “Leyptsig” sport direktori Ralf Rangnik yarimhimoyachini sotish niyati yo'qligini ma'lum qildi.

Qayd etish kerakki, gvineyalik futbolchining o'zi “Liverpul”ga o'tish istagida. Germaniya klubi esa EChL oldidan muhim futbolchisidan ajralish niyatida emas.