"Barselona" klubi prezidenti Xosep Mariya Bartomeu klub prezidentligiga o'z nomzodini qo'ygan vaqtda Dortmundning "Borussiya"si a'zosi Marko Roysni Kataloniyaga olib kelmoqchi bo'lgan, deya xabar beradi Ispaniyaning Sport internet nashri.

Bartomeu o'shanda nemis futbolchisi va uning agenti bilan ham uchrashgan. Ammo Roysning o'zi "ko'k-anorranglilar" safiga o'tishni istamagan. Buni u Ispaniya grandida o'ynash uchun etarli darajada kuchli emasligi bilan izohlagan ekan.

Eslatib o'tamiz, Dortmund klubi etakchisi bu mavsumda Bundesliga bahslarida 12 o'yin o'tkazib, 8 gol (2 pas)ga mualliflik qilgan.