"Milan" klubi qishki transferlar vaqtida "Barselona" himoyachisi Adrianoni o'z safiga qo'shib olishni maqsad qilgan. El Mundo Deportivo tarqatgan xabarga ko'ra, "rossoneri" rahbariyati 31 yoshli braziliyalik futbolchi uchun to'rt million evro berishga tayyor.

Biroq katalon klubi, garchi futbolchi asosiy tarkib a'zosi bo'lmasa-da, uni qo'yib yubormoqchi emas. Adriano bu mavsum Ispaniya chempionati va EChLda olti uchrashuv o'tkazib, bitta golga mualliflik qilgan.