Kataloniyaning A la carta radoistantsiyasi xabar tarqatishicha, «Barselona» hujumchisi Neymar «Pari Sen-Jermen»ga o'tishga juda yaqin turibdi.

Radioning parijliklar safidagi manbaga tayanib xabar tarqatishicha, transfer kelishuvi yakunlanishiga yaqin turibdi. Futbolchining otasi — Neymar da Silva Santos imzolagan hujjatga ko'ra, u o'g'lining transferi uchun 40 million evro oladi. Transfer narxi hamon 222 million evroga baholanmoqda.

Neymar 2013 yildan beri «Barselona»da o'ynab kelmoqda. «Santos» uning transferi orqali 88,2 million evro daromad qilgandi. Yakunlangan mavsumda braziliyalik futbolchi barcha turnirlarda 45ta o'yinda maydonga tushib, 20ta gol urdi va 27ta golga uzatma berdi.

Kecha "Barsa" prezidenti Jozep Bartomeu Neymarning sotilmasligini e'lon qildi. Mulozimning fikricha, hujumchiga badal pulini to'lashni istagan klub avtomatik ravishda feyr-pley qoidasini buzadi..