UEFA litsenziyalashtirish boshqarmasi boshlig'i Andrea Traverso bayonot berib, Neymar «Barselona»dan «PSJ»ga o'tsa, albatta tekshiruv o'tkazilishini ma'lum qildi.

Avvalroq Ispaniya La ligasi rahbariyati ushbu transfer yuzasidan UEFAga shikoyat kiritishi borasida bayonot bergandi.

«Bu transfer moliyaviy feyr-pley qoidasiga mos keladimi yo'qmi, UEFA uni har tomonlama tekshiradi. Bizga shikoyat kelib tushmasa ham, har qanday holatda tekshiruv o'tkazamiz.

«PSJ» Evropaning boshqa jamoalari kabi qoidani buzmasligi kerak. Jamoaning so'nggi 3 yil davomida zarari 30 million evrodan oshmasligi kerak», – dedi Traverso.

OAVda tarqatilayotgan ma'lumotlarga qaraganda, «PSJ» 25 yoshli braziliyalik futbolchini 222 million evroga sotib oladi.