Neymarni "PSJ" klubiga sotgan "Barselona" yana bir etakchisidan ayrilishi mumkin.

Onda Cero xabariga ko'ra, "Manchester Siti" klubi yarimhimoyachi Serxio Buskets transferini o'rganib chiqmoqda. Ingliz klubining vakillari futbolchi va uning klubi bilan muzokara boshlamoqchi.

"Shaharliklar" ustozi Xosep Gvardiola Busketsni Angliyaga ko'chib o'tishga ko'ndirmoqchi. Ma'lumki, aynan Pep Kataloniya klubida uning iqtidorini kashf qilgan edi.

Ayni paytda Transfermarkt portali 29 yoshli ispaniyalikning transferini 60 mln evroga baholamoqda. Uning "Barselona" bilan imzolagan shartnomasi 2021 yilgacha amal qiladi.