PSJ rahbariyati "Arsenal" hujumchisi Aleksis Sanches transferi ustida ishlamoqda.

L' Equipe xabariga ko'ra, parijliklar Chili terma jamoasi futbolchisi uchun 80 mln funt taklif qilishni rejalashtirmoqda.

Avvalroq, bosh murabbiy Arsen Venger Sanchesning hech qaerga ketmasligi haqida gapirgan, bundan tashqari, futbolchining o'zi ham jamoadoshlariga yana bir yil davomida Londonda qolmoqchi ekanini aytgan edi.

Ammo PSJ rahbariyatini bu gaplar xavotirga solayotgani yo'q.

Eslatib o'tamiz, Aleksisning "Arsenal" bilan imzolagan shartnomasi 2018 yil yozigacha amal qiladi.