«Barselona» Neymarning xalqaro transfer sertifikatini hamon Frantsiya futbol federatsiyasi (FFF)ga yubormadi. Shu bois, braziliyalik futbolchining "PSJ" safidagi debyuti kechikmoqda. L’Equipe tarqatgan xabarga ko'ra, kataloniyaliklar sertifikatni 18 avgustga qadar yuborishlari kerak, aks holda u FFF tomonidan avtomatik ravishda olinadi.

Avvalroq «Barselona» 222 mln. evro pulni o'z hisob-raqamiga tushishini kutayotgani haqida xabar tarqalgandi. Shundan so'ng Ispaniya qirollik futbol federatsiyasi Neymarning sertifikatini Frantsiyaga yuborishga ruxsat beradi.

Mazkur kechikish tufayli Neymar Frantsiya chempionatining 2-turi doirasida bo'ladigan «Gengam»ga qarshi o'yinda (13 avgust) ishtirok eta olmasligi mumkin.