Rossiyaning «Zenit» klubi «Valensiya» himoyachisi Esekel Garayni ortga qaytarish borasida ishlarni boshladi. 

El Gol Digital nashri xabariga ko'ra, ruslar mazkur transfer borasida katta taklif tayyorlashmoqda.

Piterliklar argentinalik futbolchi uchun 23 million evro berishga tayyor. Bundan tashqari yarim himoyachi Xavi Garsiyani ham taklif qilishni rejalashtirishmoqda.

Eslatib o'tamiz, Esekel Garayga «Spartak» ham qiziqib qolgan va yaqin orada «Valensiya»ga taklif jo'natishadi. Shuningdek, «Yuventus» va «Inter» ham Garayni o'z safida ko'rish istagida.