Dortmundning "Borussiya" klubi hujumchisi Usmon Dembele jamoada qolishni istamayotganini ma'lum qildi.

Futbolchi jamoaning kechagi mashg'ulotida ishtirok etmadi va klub vakillarining qo'ng'iroqlariga javob bermadi. Shuningdek, Usmon avvalroq o'zining ijtimoiy tarmoqlardagi ma'lumotlaridan "Borussiya" a'zosi ekani haqidagi ma'lumotni o'chirib tashlagandi. Dembele kecha dortmundliklarning Instagram va Twitter'dagi sahifalariga obnunani bekor qildi.

Eslatib o'tamiz, "Borussiya" Dembele bo'yicha "Barselona" tomonidan berilgan taklifiga rad javobini berganini rasman e'llon qildi. Kataloniyaliklar futbolchi uchun 130 mln evro taklif qilishdi.