«Barselona» klubi «Guanchjou Evergrand» bilan yarim himoyachi Paulinoning transferi borasida kelishuvga erishganini e'lon qildi. Kataloniyaliklar braziliyalik o'yinchi uchun 40 million evro to'ladi.

"Ko'k-anorranglilar" va Paulino o'rtasida tuzilajak shartnomada badal puli 120 million evro qilib belgilandi. Shartnoma qancha muddatga tuzilgani ma'lum qilinmadi, ammo uning muddati 4 yil bo'lishi kutilmoqda.

Paulino bugun tibbiy ko'rikdan o'tadi va payshanba kuni rasman keng ommaga tanishtiriladi.