O'tgan mavsumni "Valensiya"da ijarada o'tkazgan "Barselona" hujumchisi Munir el-Haddodiy yangi mavsumni boshqa jamoada boshlashi mumkin. Kataloniyaliklar Munirni arzonroq narxga sotishga ham rozi.

Futbolchiga Ispaniyaning "Alaves" va "Deportivo" klublari qiziqish bildirishmoqda va ular el-Haddodiyning transferi borasida muzokaralar olib borishmoqda. Shuningdek, 21 yoshli futbolchiga Angliyaning "Kristal Pelas" va Italiyaning "Sampdoriya" klublari tomonidan qiziqishlar bor.

"Barselona" futbolchining transfer huquqini to'liq sotmoqchi. Shu bois, "ko'k-anorranglilar" ijara borasidagi takliflarga rad javobini berishmoqda. Jamoa Munirni 20 million evroga sotmoqchi.

Ammo transfer bozori yopilish muddati yaqinlashgan sari "Barsa" narxni yanada pasaytirishi mumkin. Kataloniyaliklar futbolchining keyinchalik sotilishi orqali qandaydir miqdorda foiz oladigan bo'lsa, hujumchi kamroq narxga sotilishi mumkin. Transfer kelasi haftada rasmiylashtirilishi mumkin.

Munir el-Haddodiyga avvalroq "Roma" ham qiziqish bildirgandi.