«PSJ» yarim himoyachisi Anxel Di Mariya «Barselona»ga o'tishi mumkin, deya xabar tarqatdi Diario Sport.

Manbaga ko'ra, argentinalik futbolchi "ko'k-anorranglilar" safiga o'tishga yaqin turibdi. «PSJ» o'z o'yinchisini 50 million evroga sotishga rozi bo'ldi. «Barselona» «Liverpul» va «Borussiya» Dortmunddan Filippe Koutino va Usmon Dembeleni sotib olishga qiynalayotgani bois o'z e'tiborini Di Mariyaga qaratdi.

Di Mariya, avval xabar berib o'tilganidek, kataloniyaliklar bilan 4 yillik shartnoma borasida kelishuvga erishgan. «PSJ» moliyaviy feyr-pley qoidalarini buzilishining oldini olish maqsadida futbolchini sotishga qaror qilgan.

Avvalroq "PSJ" prezidenti Nosir al-Xelayfiy "Barsa" prezidenti Jozep Bartomeu bilan telefon suhbatda Di Mariyani qo'yib yuborishdan bosh tortgandi.